早2日見介紹有間日本人氣炸雞店登陸香港，剛好今晚要食自己，就來會一會她!
位置在黃大仙 龍翔廣場南館地下 (前名:黃大仙中心)
平常這個商場都是街坊客為主，今日突然爆多人，唔講以為自己在旺角!
今日(7月21日)正式開張，真係人山人海!!
沿住電動梯排隊，但原來E度只係一小部份.....因為......
見到咁多人，即刻改變策略，轉為外賣，幸好排左5分鐘就到我。
再好彩的係，我係最後一個。
因為店員話做唔切外賣，所以即時截龍，暫停外賣。
東京淺草 日式炸雞專門店 からやま～KARAYAMA
開業頭3日有特別優惠! 原價錢64蚊的套裝而家$50蚊~
重有單件炸雞優惠
我就買左一個原價$65的炸雞飯定食，開業優惠$50.
包4件炸雞，生椰菜絲，白飯，如果堂食就送味噌湯~
另外加左2件單點炸雞。因為諗住趁成功買到，就買多幾件留比屋企人去完街返黎試試~
在等緊外賣的時侯，望下店內的情況~
其實店內位置唔算太大，近'大門'果邊有4張4人台，
另外一邊係長形，都係有4張4人台。
即係共32座位。
在門面左邊係收銀和廚房，見到好多店員忙著，
在玻璃外看到廚房內的情況，對食客黎講係幾安心!!
落單時店員講明要等30分鐘，所以我就在商場先逛逛~
Shopping完一輪終於到我啦~
即刻拎返屋企享用~~
每份炸雞定食都會附上3款秘製醬汁， 有:極醬汁 (芝麻和香蒜口味)、鹽極醬汁 (微酸水果口味) 和一款季節性醬汁。
另外可以加$10蚊換原味炸雞, 或$13蚊換極醬汁炸雞
經過外帶後，本身怕炸雞在外賣袋內焗過會淋左，唔脆，唔熱之類
點知又唔會喎! set裝的膠盒蓋面有幾個活動小孔，可以輕輕散左d 水氣~
下層就用發泡膠裝白飯，重夠熱的!
而單點炸雞就用紙袋包住。
原本諗，SET內炸雞的SIZE可能比 單點的烤雞 會細一點，
經我親身驗證後，發現是一樣的。
日本人做生意果然係比較均真!!
左邊深色的係set內的 極醬汁炸雞，右邊係單點的原味雞。
聽店員講每件雞約重50g. 我食落又真係幾大舊，幾足料。
咬啖試下先~~ 外皮好脆~炸得剛剛好，唔會乾左，而雞肉內又有d 水份，重滑的~
除左外面的醬汁係後加之外,2件雞都係一樣醃法的。
原味已經夠味，如果鍾意 重口味 的朋友，
一定要點 極醬汁，好濃好正~
最後我只係食到3件炸雞同半個白飯就飽左。
如果女仔的話可以好似我咁叫一個餐加多2件雞。2個人share黎食~
KARAYAMA香港店
地址：黃大仙中心南館地下G6舖
Contact: celia_keekee@hotmail.com
沒有留言:
張貼留言