年廿八，家家戶戶都大掃除，不過有個地方可能大家都漏左無清洗，
果度就係.....洗衣機~
其實洗衣機入面真係 望落乾淨，其實暗藏邋遢！
當你洗完D衫， 發現衫上痴著D黑色點點，咁就代表係時候清潔一下.
果D黑色點點，其實係洗衣粉、洗衣液、柔順劑，混合衣物纖維、毛麈而成。
首先用一包洗衣機清潔劑。
之前有朋友介紹用梳打粉+白醋。但大家千祈唔好試!!!!
因為白醋的酸性會令洗衣機內的金屬損壞。到時真係得不償失。
正常做法係用鹼性來清潔，你可以用天然的梳打粉加水。
不過我部洗衣機太邋遢，單用梳打粉都未有太大效果，所以我都買包專用清潔劑。
我用的這包 韓國山鬼洗衣機槽清潔劑
第一次在 wishh!! 買，$17蚊一包。
之後在優品360賣 $10包，最近竟然平到$15/2包。
揀選洗衣機的'自動清潔功能' , 如沒有就用平常洗衣功能，揀最高水位，
start! 開始 !
先由佢自動落d 水，停一停，手動加一半熱水，咁樣可以令清潔劑發揮最高效能。
(如果一開始加熱水，可能會令洗衣機損壞)
如果係大眼仔的歐洲機，就可以唔用熱水。
落完水，就落清潔劑，禁返START 繼續運作一陣，令D粉完全溶解，再走進機內的唔同位置
大概5分鐘後就可暫停。
浸泡30分鐘開始就會見到有D 一PAT PAT野浮在面。
以下係浸3小時的效果。
你都可以加D 唔要的毛巾/衫落去來增加清潔功能。
有網友教路，為免令去水喉汙塞，可用細密魚網將污垢撈出來掉，
我這個網都嫌太大了...
撈得7788就再繼續清洗程序。 正常係會再過水的。
最後總會有一點污垢痴著機底。
可以用花灑沖一沖去水就OK…
完成後我會開多一次洗衣功能，再RUN一次就穩陣~
contact: celia_keekee@hotmail.com
沒有留言:
張貼留言